Close

Praksisplassane er i boks

Del innlegg

Share on facebook
Share on google
Share on twitter
Share on linkedin

På besøk hjå Ivar Aasen. Framme Erlend Astad Lorentzen, bak f.v. Ivar Bruvik Sætre, Kjell Åsmund Sunde og Elise Løvereide. Foto: Ivar M. Longvastøl 

Då har alle praktikantane i kull 6 i Nynorsk avissenter fått avtale om praksisplass i mai og juni. 

Erlend Astad Lorentzen skal heim att til Egersund, til Dalane Tidende der tippoldefaren og oldefaren ein gong var eigarar og redaktørar.

– Ja, fallhøgda er stor, seier Erlend.

– Du endar vel opp som redaktør sjølv, flirer medpraktikant Kjell Åsmund Sunde.

Kjell Åsmund ønskte seg til Klassekampen og har fått klarsignal frå nyhendesjef Kjell-Erik Kallset.

Elise Løvereide hadde Bergens Tidende som førsteval, og ho har også fått grønt lys frå nyhenderedaktør Jan Stian Vold.

Ivar Bruvik Sætre frå Førde ønskjer å halde fram i Firda, og han har også fått ønsket sitt oppfylt.