Nynorsk avissenter
Journalistopplæring på seks månader – med løn.
Haustkullet august–februar: Søknadsfrist 15. april
Vårkullet januar–juni:
Søknadsfrist 15. oktober
For deg som vil bli journalist og har lyst til å skrive nynorsk. Her får du ei praktisk retta opplæring med digital kompetanse som er ettertrakta i avisredaksjonane.
Av tidlegare praktikantar har i dag 53 prosent journalistarbeid når vi tek med dei som arbeider deltid/frilans. 21 prosent arbeider som kommunikasjonsrådgjevarar, 6 prosent har lærarjobb og 8 prosent studerte ved årsskiftet 2022/2023.
Tidlegare praktikantar har vore i aviser som Bergens Tidende, Dag og Tid, Dagen, Dalane Tidende, Framtida, Hallingdølen, Haugesunds Avis, Hordaland, Jærbladet, Klassekampen, Kvinnheringen, Nationen, Nordhordland, Sogn Avis, Stavanger Aftenblad, Strilen, Sunnhordland, Sunnmørsposten, Svalbardposten, Tysnes, Bø Blad, TV2, VestNytt, Svalbardposten og Vårt Land. Også Nynorsk pressekontor i Oslo har tatt imot fleire praktikantar.
Fire månader teori og praksis i ei av landets største aviser redigert på nynorsk
Praktikantløn i heile læretida. I dag er brutto månadsløn 16.700 kroner
Produksjon av nyhendeartiklar, reportasjar, videoar og bloggar
Video, foto, frontredigering, sosiale medium, digital forteljarteknikk
Rettleiing frå lærarar, leiarar og andre erfarne journalistar
Førelesingar i mellom anna språk, presseetikk og journalistisk metode
Godt miljø med høg digital kompetanse
Samarbeid med NRK Nynorsk mediesenter
Attest frå Nynorsk avissenter og ekstern praksisavis
Vi hjelper med å skaffe bustad i Førde
Du har lyst til å skrive nynorsk og vil bli journalist
Samfunnsinteresse og samfunnsengasjement
Likar utfordringar og høgt tempo
Evne til å samarbeide og dele kunnskap med andre
Vi tek inn søkjarar med ulik bakgrunn og utdanning
Vi ønskjer søkjarar frå heile landet, også med fleirkulturell bakgrunn
Les meir om praktikantane og dei personlege tekstane dei har skrive til fast spalte i Firda gjennom praktikantopphaldet
Første ledige plassar: Kull 23 hausten 2024. Søk innan 15. april.
Skriv ein søknad der du fortel om deg sjølv og kvifor du vil bli nynorskpraktikant.
Søknaden skal innehalde vitnemål, CV, attestar og referansar.
Aktuelle kandidatar vert kalla inn til konferanse.
Send søknad på e-post til Ingunn Osland, ingunn.osland@firda.no